Sálmabók
792. Beyg kné þín
Trúarlífið - Land og þjóð
1 Beyg kné þín, fólk vors föðurlands,
þinn fjötur Drottinn leysti.
Krjúp fram í dag á fótskör hans
sem fallið kyn vort reisti.
Þá háskinn stóð sem hæst
var hjálp og miskunn næst,
oss þjáðu þúsund bönd
en þá kom Drottins hönd
og lét oss lífi halda.
2 Ó, Guð, þín miskunn meiri er
en megi sál vor skilja.
Hvert ljós sem kemur, lýsir, fer,
oss les þau orð þíns vilja:
Lær sanna tign þín sjálfs,
ver sjálfur hreinn og frjáls,
þá skapast frelsið fyrst
og fyrir Jesúm Krist
skal dauðans fjötur falla.
T Matthías Jochumsson 1880 – Sb. 1945
L Martin Luther, 1529 – Klug 1533 – Gr. 1594
Ein feste Burg ist unser Gott
Eldra númer 521
Eldra númer útskýring T+L