Sálmabók
732. Mitt líf er eins og lag
Trúarlífið - Trú og traust
1 Mitt líf er eins og lag sem nær
að lyfta sér í hæðir
og tekur mið af tærri lind
er tóna nýja fæðir.
Ef stormur æðir stend ég kyrr
með styrk af dýrðarljóma
og sál mín finnur sína rödd.
Í söng ég verð að hljóma.
2 Þótt sannleikann menn sitji um
hann sífellt áfram lifir
og marga sálma man ég best
er myrkur grúfir yfir.
Ef stormur æðir stend ég kyrr
með styrk af dýrðarljóma
og sé Guðs kærleik sigra allt.
Í söng ég verð að hljóma.
T Robert Lowry, 1869 – Aðalsteinn Ásberg Sigurðsson 2001
My Life Flows on in Endless Song
L Robert Lowry, 1869
HOW CAN I KEEP FROM SINGING