Sálmabók
731. Faðir vor, þín eilíf elska vakir
Trúarlífið - Trú og traust
1 Faðir vor, þín eilíf elska vakir
yfir hverju spori barna þinna.
Lát þú oss sem leitum þín og biðjum
ljós þíns orðs og návist þína finna.
2 Kristur segir: Komið til mín allir,
kærleiksandi minn er þín að leita
til að helga annir, raun og yndi,
innri gleði, styrk og frið að veita.
3 Lof sé þér sem lífið átt og gefur,
lindin alls hins góða, fagra, bjarta,
einn þú ræður allt sem huga dreymir,
alla dul og von í mannsins hjarta.
T Sigurbjörn Einarsson 1985 – Vb. 1991
L Þorkell Sigurbjörnsson 1985 – Vb. 1991
Eldra númer 590
Eldra númer útskýring T+L