Sálmabók
707. Legg mér, Drottinn, ljóð á tungu
Trúarlífið - Gleði og þakklæti
1 Legg mér, Drottinn, ljóð á tungu,
ljóð sem bjartir englar sungu,
blítt sem barnsins trú,
söng um ljósið lífsins sanna,
ljóð um náð og frelsi manna,
það sem þráum nú.
2 Himinn, jörð og hafið bláa,
hæstu tré og blómið smáa
heiðra höfund sinn.
Eins lát sál og öndu mína
ætíð vitna' um gæsku þína:
Dýrð þér, Drottinn minn.
3 Legg mér, Drottinn, ljóð á tungu,
ljóð sem elska börnin ungu,
bæn og barnatrú,
bænamál og bæn í hjarta,
bæn og von og elsku bjarta,
mest sem þráir þú.
4 Ætíð mér þau ljóðin lýsi,
lífs og gæfu veginn vísi
orð þín yndisleg;
gleði' og birtu' í geði hlýju,
glæði' og laði fram að nýju
æ um æviveg.
T Nikolaj F.S. Grundtvig 1836, 1868 – Karl Sigurbjörnsson 2010 – Vb. 2013
Giv mig, Gud, en salmetunge
L Jólalag frá miðöldum – Klug 1543 – Thomas Laub 1896 – Vb. 2013
Quem pastores laudavere
Eldra númer 554
Eldra númer útskýring T+L