Sálmabók
674. Hvar er nú, Guð, þín hjálparhönd
Trúarlífið - Huggun og von
1 Hvar er nú, Guð, þín hjálparhönd?
Hve hörð er gata mín!
Ég finn mig reyrðan fast í bönd
og forðast brauð og vín.
Ég villist einn um eyðilönd
en er að leita þín.
2 Úr myrkri dauðans hug minn hríf
svo hjartað öðlist sýn.
Lát veika trú mér verða hlíf
uns villuljósið dvín.
Ó, vektu hjá mér von um líf
og veginn heim til þín!
3 Af tákni krossins til mín inn
er töfrabirta skín
og laðar hálfan huga minn
af heimsins leið til þín,
mig frelsi orð og andi þinn,
hið eina brauð og vín.
T Hjörtur Pálsson 2002 – Vb. 2013
L Philadelphia um 1812
CONSOLATION / MORNING SONG
Eldra númer 922
Eldra númer útskýring T