Sálmabók
639. Orð Jesú eðla sætt
Trúarlífið - Iðrun og náð
1 Orð Jesú eðla sætt
er hans verkfæri.
Helst fær það hugann kætt
þó hrelldur væri.
2 Hann gefur hreina trú,
hann fallinn reisir,
hann veikan hressir nú,
hann bundinn leysir.
3 Ekki' er í sjálfsvald sett,
sem nokkrir meina,
yfirbót, iðrun rétt
og trúin hreina.
4 Hendi þig hrösun bráð
sem helgan Pétur,
undir Guðs áttu náð
hvort iðrast getur.
5 Gráta skalt glæpi sárt
en Guði trúa,
elska hans orðið klárt,
frá illu snúa.
T Hallgrímur Pétursson Ps. 12
L Nürnberg 1534 – Gr. 1607 – PG 1861
Eldra númer 323
Eldra númer útskýring T+L