Sálmabók
636. Ef ég í dag hef nokkurn sært
Trúarlífið - Iðrun og náð
1 Ef ég í dag hef nokkurn sært með synd,
ef ég hef varpað skugga' á Jesú mynd,
ef ég hef aðra tælt frá lífsins lind,
fyrirgef mér, Guð.
2 Ef orð mín hafa verið ill og ströng,
ef athöfn mín var köld og breytnin röng,
ef hugsun mín var hyggjusnauð og þröng,
fyrirgef mér, Guð.
3 Ef líf mitt hefur verið ljósi sneytt,
ef lamað hefi ég og aðra deytt,
ef ég í einhverju hef illa breytt,
fyrirgef mér, Guð.
T C. Maud Battersby, 1910 – Jón Hjörleifur Jónsson 1962
An Evening Prayer / If I have wounded any soul today
L Charles H. Gabriel, 1911
If I have wounded any soul today