Sálmabók
623. Allt sem Guð hefur gefið mér
Trúarlífið - Leit og efi
1 Allt sem Guð hefur gefið mér,
gróður jarðar, sólarsýn,
heiðan og víðan himininn,
af hjarta ég þakka og bið:
Lifandi Guð, lifandi Guð,
láttu mig finna þig.
2 Allt sem Guð hefur að mér rétt
á sinn tíma, ræður för.
Stríðandi öflin steðja að
og stundum ég efast og bið:
Lifandi Guð ...
3 Allt sem Guð hefur á mig lagt
er mér ljúft að glíma við,
taka í sátt og tefla djarft
og treysta um leið og ég bið:
Lifandi Guð ...
T Aðalsteinn Ásberg Sigurðsson 2009 – Vb. 2013
L Sigurður Flosason 2009 – Vb. 2013
Eldra númer 848
Eldra númer útskýring T+L