Sálmabók
528. Í orði Guðs
Trúarlífið - Orð Guðs
1 Í orði Guðs var allt í fyrstu mótað,
því orði sem er skráð í lífsins bók,
óplægð akurmold, ævi þín og starf,
eldur, vatn og loft – hvaðeina sem þarf
til að blómgist blessað líf á jörð.
2 Í orði Guðs er aflið sterka falið,
því orði sem er skráð í lífsins bók,
gleði þín og sorg, gömul eða ný,
geislar sólarinnar, dimmust næturský
til að blómgist blessað líf á jörð.
T Aðalsteinn Ásberg Sigurðsson 2009 – Vb. 2013
L Sigurður Flosason 2009 – Vb. 2013
Eldra númer 812
Eldra númer útskýring T+L