Sálmabók
506. Þú kemur, Jesús Kristur, inn
Trúarlífið - Jesús Kristur
1 Þú kemur, Jesús Kristur, inn
og kveikir ljósið bjart.
Þá hverfur allur ótti minn
og efamyrkrið svart.
2 Í næturkyrrð þú kemur nú,
eins komstu fyrsta sinn
er gafstu hrelldu hjarta trú
á helgan kærleik þinn.
3 Þú kemur, gengin gleymist þraut
og gróa hjartasár.
Með þér ég stenst á brattri braut
og brosi gegnum tár.
4 Þú kemur, Jesús kær, um leið
fer kvíði' úr hjarta mér
því allt mitt hulda æviskeið
þá er í hendi þér.
5 En kærust verður koma þín
er kvöldar hinsta sinn.
Þú leggur aftur augun mín
og opnar himin þinn.
T Lilja S. Kristjánsdóttir, 1982 – Vb. 2013
L Jónatan Ólafsson, 1982 – Vb. 2013
Eldra númer 858
Eldra númer útskýring T+L