Sálmabók
477. Alls staðar finn ég þig
Trúarlífið - Þakkargjörð fyrir gjafir Guðs
Alls staðar finn ég þig,
yndisleg návist þín
umvefur mig sem ljúfur sumarvindur.
Jörðin gengur sinn veg
gegnum myrkur, geimryk og glóandi sindur.
:,: Hún snýr sér dansandi' í hring
en dýrð þín er, Drottinn,
uppi' yfir mér og allt um kring. :,:
T Vilborg Dagbjartsdóttir 2007 – Vb. 2013
L Pétur Þór Benediktsson 2007 – Vb. 2013
Eldra númer 838
Eldra númer útskýring T+L