Sálmabók
473. Englar hæstir, andar stærstir
Trúarlífið - Þakkargjörð fyrir gjafir Guðs
1 Englar hæstir, andar stærstir,
allir lofi Drottins nafn.
Allt sem andar, allt sem lifir,
uppi, niðri, himnum yfir
dýrki, lofi Drottins nafn.
2 Himinn fagur, hver einn dagur,
hver ein nótt með stjörnusafn,
stormar, þrumur, hvað sem hræðir,
hvað sem vekur, örvar, glæðir
lofi Herrans heilagt nafn.
3 Æðstum Drottni aldrei þrotni
eilíft lof og þakkargjörð.
Syngið feður, syngið mæður,
syngið niðjar, menn og bræður.
Heiðri Drottin hæð og jörð.
T John S. Blackie 1840 – Matthías Jochumsson – Vb. 1924
Angels holy, high and lowly
L Þorkell Sigurbjörnsson 1973 – Vb. 1976
Eldra númer 25
Eldra númer útskýring T+L