Sálmabók
467b. Smávinir fagrir
Trúarlífið - Sköpun Guðs og ábyrgð manns
1 Smávinir fagrir, foldarskart,
fífill í haga, rauð og blá
brekkusóley! Við mættum margt
muna hvort öðru að segja frá.
2 Faðir og vinur alls sem er!
Annastu þennan græna reit,
blessaðu, faðir, blómin hér,
blessaðu þau í hverri sveit.
3 Vesalings sóley! Sérðu mig?
Sofðu nú vært og byrgðu þig.
Hægur er dúr á daggarnótt,
dreymi þig ljósið, sofðu rótt.
T Jónas Hallgrímsson um 1840
L Jón Nordal 1940