Sálmabók

1 Þín miskunn, ó, Guð, er sem himinninn há og hjarta þíns trúfestin blíða, þinn heilagan vísdóm má hvarvetna sjá um heims alla byggðina fríða. 2 Sem rammbyggðu fjöllin þín réttvísin er, sem reginhaf dómur þinn hreini. Vor Guð, allra þarfir þú glögglega sér og gleymir ei aumingjans kveini. 3 Já, dásöm er náð þín og dag sérhvern ný, ó, Drottinn, í skaut þitt vér flýjum. Vér hræðast ei þurfum í hælinu því er hörmunga dimmir af skýjum. 4 Ef sálirnar þyrstir, þú svölun þeim lér, þær saðning fá hungraðar frá þér. Vor Guð, þínu' í ljósinu ljós sjáum vér og lífsins er uppspretta hjá þér.

T Bernhard S. Ingemann 1845 – Helgi Hálfdánarson – Sb. 1886

Til himlene rækker din miskundhed

L Johan P.E. Hartmann 1852 – JH 1885

Til himlene rækker din miskundhed

Eldra númer 23

Eldra númer útskýring T+L

Biblíutilvísun Sálm. 36