Sálmabók
404. Guð sem skapar líf og ljós
Guðsþjónustan - Morgunn og kvöld
1 Guð sem skapar líf og ljós
lætur vakna hverja rós.
Hann er Guð sem gefur þér
góðan dag og einnig mér.
2 Myrkrið hrekur hann á braut,
hjálpar vel í sorg og þraut.
Hvert sem leiðin liggur þín
lýsir hann þér heim til sín.
3 Láttu, Drottinn, lýsa enn
ljósið þitt svo allir menn
hér á jörðu, hvar sem er,
heiðri þig og fylgi þér.
T Kristján Valur Ingólfsson 1994 – Sb. 1997
L Hjálmar H. Ragnarsson 1995 – Sb. 1997
Eldra númer 702
Eldra númer útskýring T+L