Sálmabók
280. Við heyrum Guðs heilaga orð
Guðsþjónustan - Lofgjörðarvers
:,: Hallelúja! Hallelúja! :,:
1 Við heyrum Guðs heilaga orð
hljóma frá upphafi vega.
Svo áfram það lifir um ókomna tíð.
Hallelúja! …
2 Við skiljum að skjól okkur veitir
skapari himins og jarðar.
Og sælt er að þekkja hans son, Jesú Krist.
Hallelúja! …
3 Við sjáum í sannleika að
sjálfur er Drottinn að verki.
Í nafni hans verður öll náttúran eitt.
Hallelúja! …
4 Við lofsyngjum lifandi Guð,
ljósið í veraldar djúpi.
Frá upphafi vega hann einn ræður för.
Hallelúja! …
T Aðalsteinn Ásberg Sigurðsson 2002 – Vb. 2013
L Fintan O‘Carroll 1980 – Christopher Walker 1985 – Vb. 2013
CELTIC ALLELUIA / The Word of the Lord lasts for ever
Eldra númer 881
Eldra númer útskýring T+L