Sálmabók
179. Minn Guð og Herra er hirðir minn
Kirkjuár - Hvítasunna til aðventu
1 Minn Guð og Herra' er hirðir minn,
mér hjálpararm hann réttir sinn.
Ég veit hann æ mér vill hið besta,
ég veit hann ei mig lætur bresta
það neitt er getur gagnað mér
því góður hirðir Drottinn er.
2 Um blómum stráða, græna grund
mig Guðs míns leiðir föðurmund
að svalalindum silfurskærum
og svalar mér úr lækjum tærum.
Hans líknarhöndin hressir mig
og hjálpar mér á réttan stig.
3 Og þótt ég gangi' um dauðans dal,
hans dimma mér ei ógna skal.
Ef geng ég trúr á Guðs míns vegi
mér grandar dauðinn sjálfur eigi.
Þín hrísla' og stafur hugga mig,
minn hirðir, Guð, ég vona' á þig.
T Valdimar Briem – Sb. 1886
L Douglas Brotchie 2001
Eldra númer 21
Eldra númer útskýring T
Biblíutilvísun Sálm. 23; Lúk. 15.3–5