Sálmabók

1 Dauðinn dó en lífið lifir! Lífs og friðar sólin skær ljómar dauðadölum yfir, dauðinn oss ei grandað fær. Lífið sanna sálum manna sigurskjöld mót dauða ljær. 2 Kóngur lífs á krossi deyddur krónu lífs mér bjó hjá sér, dapur nú er dauði neyddur dýrðarlíf að færa mér. Þótt hann æði, þótt hann hræði, það ei framar skaðvænt er. 3 Hann sem reis með dýrð frá dauða duft upp lætur rísa mitt, leyst úr fornum fjötrum nauða fyrir blóðið helga sitt. Hold og andi lífs á landi lífgjafara sinn fá hitt. 4 Jesú minn sem dauðann deyddir, deyja gef mér eins og þú og við þig, í ljós er leiddir lífið, æ að halda trú. Lát mig þreyja þér og deyja, þrá mín heit og bæn er sú.

T Helgi Hálfdánarson – Sb. 1886

L Joachim Neander 1680 – Darmstadt 1698 – PG 1861

Tut mir auf die schöne Pforte / Unser Herrscher, unser König

Eldra númer 156

Eldra númer útskýring T+L