Tónskóli kirkjunnar

Tónskóli þjóðkirkjunnar hefur starfað allt frá stofnun embættis söngmálastjóra þjóðkirkjunnar árið 1941 en hét þá Söngskóli þjóðkirkjunnar og starfaði í formi námskeiða. Síðar var nafni skólans breytt og er hann rekinn sem níu mánaða tónlistarskóli. Í skólanum er kenndur orgelleikur á grunn-, mið- og framhaldsstigi en einnig er boðið upp á nám við framhaldsdeild í kirkjutónlist.

Tónskóli kirkjunnar
NámiðEndurmenntun og námskeiðUm skólann

Endurmenntun og námskeið

Tónskólinn býður upp á endur- og símenntun á sviði kirkjutónlistar einkum í orgelleik, söng og ryþmískum hljómborðsleik. Auk þess eru reglulega haldin styttri námskeið sem auglýst eru hér undir þessum flipa. Skráning á endurmenntunarnámskeið fer fram í tölvupósti á tonskoli@tonskoli.is.

Umsókn skólavist 2025-2026
Mynd sem tengist textanum

Orgelleikur

Tónskólinn býður upp á einkakennslu í orgelleik. Hægt er að sækja einkakennslu í orgelleik víða um land. Námið er einkum hugsað fyrir organista í starfi sem vilja bæta við sig en einnig þá sem langar að kynnast hljóðfærinu án skuldbindinga varðandi námskröfur.

Söngur og raddbeiting

Tónskólinn býður upp á einkakennslu í söng. Hægt er að sækja einkakennslu í söng víða um land. Námið er einkum hugsað fyrir organista, kórstjóra, söngvara í kirkjukórum, presta og guðfræðinema sem vilja bæta við sig án skuldbindinga varðandi námskröfur.

Ryþmískur hljómborðsleikur

Tónskólinn býður upp á einkakennslu í ryþmískum hljómborðsleik. Námið er einkum hugsað fyrir organista, kórstjóra og aðra þá sem vilja bæta við sig án skuldbindinga varðandi námskröfur.

Verð á einkatímum

Sjá verð fyrir einkatíma í endurmenntun undir flipanum Námið/skólagjöld

Einleiksáfangi er endurmenntun að loknu kantorsprófi fyrir þau sem vilja afla sér meiri menntunar í orgelleik. Náminu lýkur með opinberum tónleikum þar sem flutt er heil efnisskrá stærri orgelverka. Miðað er við 24 kennslustundir yfir heilan vetur.

Verð

Sjá verð fyrir einleiksáfanga undir flipanum Námið/skólagjöld

Tónskólinn býður upp á endurmenntun í kórstjórn. Námið er hugsað fyrir organista í starfi sem vilja bæta við sig í kórstjórn sem og aðra, reynda kórstjóra. Námið fer fram í hópkennslu og er miðað við tíma einu sinni í viku, eina önn í senn.

Verð

Sjá verð fyrir námskeið í kórstjórn undir flipanum Námið/skólagjöld